tokante nos

Kennedy’s Key is a family business that provides locksmith services emergency and non-emergency 24 hours a day 7 days a week.

Nos historia ta kuminsá ku Kennedy Curiel, ku ta duna nos empresa su nòmber. Pa vários aña el a traha den e departamento tékniko di Shell ora esaki tabata operá na Kòrsou. Despues di tempu el a disidí di bai laga e puesto aki i el a bai traha komo polis lokal. El a ehersé e funshon aki pa 27 aña. Den e último añanan di su karera komo polis, Kennedy a kuminsá sinti su mes insatisfecho ku e profeshon aki. Esta, el a kuminsá sinti mas interes pa tin un ofishi den kual e por traha mas ku su mannan i bolbe bèk na e trabounan tékniko ku e tabata hasi.

Esaki a motiv’é pa sigui diferente kurso na Merka, Inglatera, Alemania i Hulanda tokante e produkshon di produktonan di seguridat. Su yu hòmber Angelo — ku pa e tempu ei ya tabata un adulto di edat i tambe tabatin interes den e tipo di trabou aki — a djòin Kennedy den e biahenan aki pa atkirí konosementu spesialisá di e industria aki. Kennedy a bira un eksperto den trahamentu di kahanan fuerte, miéntras ku Angelo a bira un spesialista riba tereno di produkshon di yabinan i slòtnan di kalidat. Angelo a haña e ekspertisio aki komo resultado di a kompletá su estudionan di Master Keying na un institushon na Boston, Massachusetts na Merka. Tantu Kennedy komo Angelo a sigui kursonan adishonal di Master Keying na institushonnan na Atlanta, California i New York.

Kennedy’s Key Lock & Safe Services a habri e portanan di su promé ofisina na aña 1985 i for dje aña ei nos a ekspandé i habri ofisinanan na Saliña (na aña 2000) i na Santa Maria (na aña 2006). Aktualmente, nos tin proveedornan di rònt mundu na paisnan manera China, Turkia i vários paisnan europeo. Tambe tin demanda pa nos produktonan den eksterior na paisnan manera Puerto Rico i Australia i nos ta kumpli ku e demanda aki via di nos konsorsio ku empresanan na Inglatera, Hulanda i Mexico.

Our mission is to supply our customers with the highest quality products at competitive prices.